កម្ពុជា ផ្ដើមសង្ឃឹមជាថ្មីក្រោយមាតុភូមិនិវឌ្ឍន៍របស់ Miss Grand Cambodia 2021

Share on facebook
Share on linkedin
Share on telegram

ក្នុងពេលនេះ Miss Grand Cambodia 2021 បានត្រឡបន់មកវិញរួចរាល់ហើយដោយត្រឡប់មកជាមួយពាន Popular Vote ព្រមទាំងបើកទំព័រថ្មីសម្រាប់ប្រទេសកម្ពុជា ក្នុងវិស័យបវរកញ្ញា ដោយនាងមានឱកាសចូលទៅ Top 10 ដោយស្វ័យប្រវត្តិ ក្រោយឈ្នះពិន្ទុលើការ Vote ជាសកលនោះឯង ។ ហើយតួនាទីរបស់នាង ក្នុងការផ្សបព្វផ្សាយ អំពីសិល្បៈ វប្បធម៍ អរិយធម៍ ដ៏ល្អផូផង់របស់ប្រទេសកម្ពុជាទៅកាន់សកលលោករបស់នាង ក៏បានបញ្ចប់ទៅហើយ  ។​

នៅឡើយតែក្នុងពេលនេះ គឺដល់នាទីរបស់នារី 2រូបទៀត ដែលកំពុងតែឋិតនៅលើសៃវៀនរួចរាល់អស់ហើយ នោះគឺ កញ្ញា ងិនម៉ារ៉ាឌី Miss Universe Cambodia 2021 និង​កញ្ញា ភុំ សោ​ភ័​ណ្ឌ Miss world Cambodia ដែលត្រូវបន្តដំណើរទៅមុខ ក្នុងការដណ្ដើមម្កុដ ក៏ដូចជាជ័យលាភី រួមទាំងបន្ត ផ្សព្វផ្សាយ  អំពីសិល្បៈ វប្បធម៍ អរិយធម៍ ដ៏ល្អផូផង់របស់ប្រទេសកម្ពុជាទៅកាន់សកលលោក អោយស្គាល់ប្រទេសកម្ពុជាអោយកាន់តែច្បាស់ថែមទៀត ជាពិសេសគឺបណ្ដាអ្នកទេសចរណ៍ដែលមាននៅជុំវិញពិភពលោក ។

គួររំលឹកផងដែរថា កញ្ញា ងិនម៉ារ៉ាឌី និង​កញ្ញា ភុំ សោ​ភ័​ណ្ឌ​ មិនទៅដោយដៃទទេនោះទេ ដោយកញ្ញា ងិនម៉ារ៉ាឌី​​Miss Universe Cambodia 2021​បាននាំទៅជាមួយឈុតយតំណាងជាតិ ដែលមានឈ្មោះថា «​វប្បការិកា ចត្វា​និមិត្ត » ក្នុង​ការ​ប្រកួត​បវរកញ្ញា​ចក្រវាល Miss Universe លើក​ទី​៧០ ឆ្នាំ​២០២១ ។ ដែលឈុតនេះ ក្រៅពីមានភាព ស្រស់ស្អាតនិងប្រតណិតហើយនោះ ឈុតនេះក៏នៅបានបង្កប់នូវអត្ថន័យយ៉ាងជ្រាលជ្រៅ ពាក់ព័ន្ធទៅនិង សិល្បៈ វប្បធម៍ របស់ប្រទេសយើងថែមទៀតផង ។

ចំណែក កញ្ញា ភុំ សោ​ភ័​ណ្ឌ វិញក៏បាននាំយកនូវឈុតតំណាងជាតិដ៏ស្រស់ស្អាត ដែលមានឈ្មោះថា យក្សរាមសូរ  ដែលឆ្នៃឡើងដោយអ្នកឆ្នៃម៉ូតមានឈ្មោះបោះសម្លេង ទៅចូលរួម ប្រកួត Miss World 2021 នៅប្រទេស ព័រតូ រីកូ ដើម្បីធ្វើការបង្ហាញជូនទស្សនិកជនទស្សនា នៅថ្ងៃប្រកួតវគ្គផ្តាច់ព្រ័ត្រ ថ្ងៃទី 16 ខែធ្នូ  ឆ្នាំ2021 នេះផងដែរ គ្រាន់តែថា សម្រាប់ការប្រកួត  Miss World ក្នុងឆ្នាំនេះ គឺមិនមានការផ្ដល់ពានរង្វាន់ ឈុត​តំណាង​ជាតិ​ដែល​ស្អាត​ជាងគេ​នោះ​ទេ ។ ជាចុងក្រោយ គេសង្ឃឹមថា កញ្ញាទាំង2រូប និងបញ្ចេញអោយអស់ពីសមត្ថភាព ដើម្បីជាតិ និងមាតុភូមិ

 

Please enter a valid URL

Relate Post