គ្រាន់តែចាក់ផ្សាយវគ្គដំបូង ក៏មានរឿងត្រូវឈឺក្បាលរួចទៅហើយសម្រាប់រឿង Snowdrop ដែលសម្តែងដោយសមាជិកក្រុម BLACKPINK Jisoo និង Jung Hae In បន្ទាប់ពីមានការស្នើសុំទៅកាន់ Blue House (ដែលជាវិមានប្រធានាធិបតីកូរ៉េខាងត្បូង) ដើម្បីបញ្ឈប់ការផ្សាយរឿងនេះជាបន្ទាន់ ដែលសម្លេងនៃអ្នកស្នើសុំ គឺមានរហូតដល់ទៅ 97,000 សម្លេងឯណោះ ។
ជាមួយនឹងហេតុផលដែលបានលើកឡើងថា ខ្លឹមសារនៃរឿងភាគនេះមាន ការពាក់ព័ន្ទគ្នាជាមួយនឹងរឿងប្រវត្តិសាស្ត្រ ។ ទោះជាខាងផលិតកម្មបានចេញមកបញ្ជាក់រឿងនេះរួចហើយ ថាមិនពាក់ព័ន្ធឡើយក៏ដោយ ។ ក្រុមអ្នកតវ៉ាបានលើកឡើងថា គេអាចមើលឃើញពីតួអង្គរបស់តួឯកស្រី យល់ខុសថាតួប្រុសជាសកម្មជននយោបាយ ។
ខ្សែរឿងធ្វើឱ្យខូចតម្លៃប្រវត្តិសាស្ត្រពិតប្រាកដ ពីព្រឹត្តិការណ៍អតីតកាលរបស់ប្រទេសកូរ៉េ សកម្មជននយោបាយត្រូវបានចោទប្រកាន់ពីបទធ្វើចារកម្ម ធ្វើទារុណកម្ម និងសម្លាប់ រួមទាំងបទភ្លេងនៃសាច់រឿងនៅពេលដែលមន្រ្តីដេញតាមតួប្រុស វាក៏ជាបទចម្រៀងដែលសិស្សប្រើពេលហែក្បួនផងដែរ។ និងហេតុផលចុងក្រោយ ព្រោះរឿងភាគនេះត្រូវបានគេចាក់ផ្សាយនៅប្រទេសជាច្រើន។ ណួកគេខ្លាចថាវាអាចនឹងធ្វើឱ្យជនបរទេសយល់ច្រឡំអំពីប្រវត្តិសាស្ត្រកូរ៉េខាងត្បូង។
