ដូចការរំពឹងទុក បទចម្រៀង “All I Want For Christmas Is You” របស់ Mariah Carey បានជាប់ចំណាត់ថ្នាក់លេខ 1 ម្តងទៀតនៅលើតារាង Billboard Hot 100 ដែលជាឆ្នាំទី 3 ជាប់ៗគ្នាចាប់តាំងពីបទចម្រៀងនេះបានជាប់ចំណាត់ថ្នាក់លេខ 1 ជាលើកដំបូង ក្នុងឆ្នាំ 2019 ។
វេបសាយ Celebrity Net Worth បានគណនាប្រាក់ចំណូលរបស់ Mariah Carey នៅលើវេទិកាស្ទ្រីមរួមទាំង Apple Music និង Spotify រួមបញ្ចូលគ្នា ហើយបានរកឃើញថារៀងរាល់ខែធ្នូ Mariah ទទួលបានចំណែកនៃការរក្សាសិទ្ធិសម្រាប់ចំរៀងបទ “All I Want For Christmas Is” You” មានចំនួនប្រហែល 1 លានដុល្លារ ។
ហើយនៅឆ្នាំ 2021 វានឹងកើតឡើងម្តងទៀត។ ដោយបទចម្រៀងនេះបានត្រឡប់មកវិញជាមួយភាពល្បីល្បាញរបស់ខ្លួន រហូតដល់វា ស្ទើតែក្លាយជាបទចំរៀងប្រចាំសម្រាប់ រដូវកាល បុណណូអែលទៅហើយ ជាមួយនឹងការចូលទស្សនារហូតទៅដល់ 81.2 លានដង គិតត្រឹម ក្នុងខែធ្នូ នេះតែប៉ុណ្ណោះ ។
