វាគឺជាដំណឹងអាប់ដេតដែលធ្វើឱ្យអ្នកគាំទ្រ តារាម៉ូដែលសង្ហាមកពីប្រទេសមីយ៉ាន់ម៉ា ដែលល្បីទូទាំងអាសុី Paing Tahkon វ័យ២៤ឆ្នាំ មានការសោកស្ដាយយ៉ាងខ្លាំង ។ បន្ទាប់ពី លោក Paing Tahkon ត្រូវបានតុលាការយោធាកាត់ទោសឲ្យជាប់ពន្ធនាគារបីឆ្នាំ និងបង្ខំឲ្យធ្វើការធ្ងន់ក្នុងពន្ធនាគារ។ បន្ទាប់ពីលោកចេញមកបង្ហាញជំហរប្រឆាំងនឹងរដ្ឋប្រហារនៅមីយ៉ាន់ម៉ា។ ក្រោមការចោទប្រកាន់ពីបទបះបោរតាមក្រមព្រហ្មទណ្ឌ មាត្រា ៥០៥ នៃប្រទេស មីយ៉ាន់ម៉ា ។
លោក Paing Tahkon មានអាយុបច្ចុប្បន្នគឺ២៤ឆ្នាំ។ គាត់គឺជាអ្នកស្នងមរតកនៃគ្រួសារអ្នកមានបំផុតនៅក្នុងប្រទេសមីយ៉ាន់ម៉ា។ គ្រួសាររបស់ Paing Tahkon គឺជាដៃគូធនាគារ (United Amara UAB) ដែលជាធនាគារឯកជនដ៏ល្បីរបស់ប្រទេសមីយ៉ាន់ម៉ា។ មានសាខារហូតដល់ 78 ទូទាំងប្រទេស។ ហើយលោកក៏ជាម្ចាស់គ្រឿងសម្អាងម៉ាក KHON ដ៏ល្បីផងដែរនៅប្រទេសមីយ៉ាន់ម៉ា ។ Paing Tahkon ចាប់អារម្មណ៍នឹងការងារសិល្បៈតាំងពីក្មេង។ ហើយបានសំដៅចូលក្នុងឧស្សាហកម្មកម្សាន្តដោយចាប់ផ្តើមការងារជាតារាម៉ូដែលអាជីពភ្លាមៗ ទោះបីជាគ្រួសារចង់ឱ្យគាត់ធ្វើជាវេជ្ជបណ្ឌិត ឬវិស្វករក៏ដោយ។
Paing Tahkon គឺជាតារាល្បីប្រចាំប្រទេសមីយ៉ាន់ម៉ាដ៏មានឥទ្ធិពលបំផុតមួយរូបក្នុងប្រទេស ដែលមានអ្នកតាមដានច្រើនជាង ១ លាននាក់នៅលើ Facebook និង ១ លាននាក់នៅលើ Instagram ។
