ឧកញ៉ា ម៉ុង ឬទ្ធី សុំឱ្យអ្នកមានលុយច្រើន កាត់បន្ថយអំនួត និងជួយអ្នកខ្វះខាត ពិតប្រាកដវិញ

Share on facebook
Share on linkedin
Share on telegram

ងាជាឧកញ៉ា តែដូចជាមនុស្សធម្មតាដើរលើដី តែងតែជួយអ្នកក្រក្រី និងអ្នកខ្វះខាតពិតប្រាកដ លោកឧកញ៉ា ម៉ុង រិទ្ធី ដែលមហាជនសសើរមិនដាច់ពីមាត់ ថា រួសរាយរាក់ទាក់ និងមិនចេះឆ្មើងឆ្មៃ និងទទួលបានការគោរពស្រលាញ់ពីប្រជាជនកម្ពុជា គ្រប់ស្រទាប់វណ្ណៈ  នោះ ក្នុងពេលនេះ លោកបាន​ធ្វើការស្នើសុំ ដល់អ្នកដែលមានទ្រព្យចាយមិនអស់ អោយកាត់បន្ថយអំនួត និងជួយដល់ដល់អ្នកក្រពិតៗ ។

ដោយលោកបានបង្ហោះសារ នៅលើគេហទំព័រហ្វេសប៊ុគផ្លូវការ របស់លោកដែលមានឈ្មោះថា ឯកឧត្តមបណ្ឌិត ម៉ុងរិទ្ធី យ៉ាងដូច្នេះថា វេលាម៉ោង​១១ថ្ងៃត្រង់​ថ្ងៃ​អាទិត្យទី​២៦​ ខែធ្នូ​ ឆ្នាំ​២០២១​ ធ្វើ​ដំណើរ​ឆ្លងកាត់​តាម​ជួរ​ភ្នំ​ម្រះព្រៅ​ ឃេីញប្រជាជន​ពីរនាក់ប្តី​ប្រពន្ធ​​អង្គុយ​នៅ​ចិញ្ចេីម​ផ្លូវ​ ដោយឃេីញមាន​ធុង​ស្ពេចត្រូលដាក់ខ្យងពេញ​ និងមាន​ព្រលឹតមួយ​បាច់​ត្រគួនមួយ​បាច់ផងដែ​ មេីលទៅ​ពួកគាត់​ដូចជា​ហេវហត់​អស់កម្លាំង​ខ្លាំងណាស់​ ខ្ញុំ​បាន​ឈប់រថយន្ត​សាកសួគាត់ថា​មកពីណាទៅណា​ គាត់​ឆ្លេីយថាចុះមកពីលេីភ្នំ​មករាវខ្យង​យកទៅហូប​ អស់កម្លាំង​ខ្លាំងពេក​នាំគ្នា​អង្គុយ​យក​កម្លាំង​បន្តិច​និងអាល​បន្តដំណេីរ​ទៅទៀត​ ឃេីញ​ដូចច្នេះហេីយ​ទេីបខ្ញុំ​អញ្ជើញពួក​គាត់ឡេីងរថយន្ត​ជូនគាត់​ដល់គោលដៅតែម្តងទៅ​ ។

នេះហេីយ​រស់ជាតិជីវិត​ពិតរបស់​ប្រជាពលរដ្ឋ​នៅទីជនបទ​ ខ្ញុំ​សូម​សំណូមពរ​ដល់​អ្នក​មានប្រាក់​ចាយហូហៀ​ទាំងឡាយ​ សូមកុំមាន​អំនួតខ្លាំងពេក​ងាកមកមេីល​រឿងពិតនេះផង​ ជួយ​សន្សំសំចៃ​មួយចំណែក​ទុកយកមក​ ចូលរួម​ចំណែកជាមួយ​រាជរដ្ឋាភិបាល​ដេីម្បី​​អភិវឌ្ឍន៍​នៅទីជនបទ​ ​បង្កេីតការងារ​អោយប្រជាជន​ធ្វើ​ក្នុងន័យ​ជួយកាត់​បន្ថយ​ភាពក្រីក្រ​របស់​ពួកគាត់​ផង​ ។

Please enter a valid URL

Relate Post