ចំពោះអ្នកលេងតុងទីន ទោះអ្នករកចំណូលបានឬមិនបាន ក៏ត្រូវបង់អោយមេអោយទៀងទាត់ ហើយមេជាអ្នកប្រមូលអោយកូនក្រុមក៏ដូចគ្នា គឺត្រូវតែប្រគល់លុយទៀងទាត់អោយទៅកូនក្រុមននៅពេលគេដេញបាន នេះជារបៀបខ្លះនៃការលេងតុងទីន ។ តែក្នុងរដូវកាលកូវីតរាតត្បាតនេះ អ្នកណាក៏ដូចអ្នកណាដែរ គឺចំណូលមិនទៀងទាត់នោះទេ នេះមិនទាន់រាប់ដល់អ្នកដែល មិនមានចំណុលសោះនោះទេ ។ ដូចនេះ កូនក្រុមដែលគ្មានចំណូលគឺមិនមានលទ្ធភាពបង់អោយមេទាន់ពេលវេលានោះទេ ហើយមេក៏មិនមានលុយប្រគល់អោយអ្នកដែលដេញបានដូចគ្នា ។ នេះហើយជាមូលហេតុដែលក្នុងពេលនេះ មានកូនតុងទីន រត់ចោលមេ មេរត់ចោលកូនក្រុម ។
ក្នុងពេលនេះ គឺមានមេតុងទីន១រូបទៀតហើយ ដែលបានគេចវេសមិនទទួលខុសត្រូវលើលុយរបស់កូនក្រុមខ្លួន គឺដាក់សាប៊ូគូទ រត់ប្រូចតែម្ដង ហើយបើតាមដឹងថវិការដែលមេតុងទីននោះនៅជំពាក់គេ មិនតិចជាង 50មុឺនដុល្លារនោះទេ អ្វីដែលសំខាន់ គឺ កូនក្រុមទាំងនោះភាគច្រើនជាតារាល្បីៗផងដែរ រួមមាន កញ្ញាសាសា ផុងខ្លួន អស់ជិត 10 មុឺនដុល្លារ ហើយនាងបានមបង្ហោះសារជាមួយរូបសម្រក់ទឹកភ្នែកថា ញុំយំនេះព្រោះខ្ញុំខឹងនឹងខ្លួនឯងដែលទុកចិត្តពួកម៉ាក់អស់ពីពោះ តែចុងក្រោយទៅចោលខ្ញុំគ្មានស្រណោះអី្វបន្ដិចទាំងដែលដឹងគ្រប់យ៉ាងថា ខ្ញុំកំពុងតែពិបាក ហើយពិបាកខ្លាំង។ ហេង អើយចូលខ្លួនមក ខ្ញុំត្រូវការអ្នកដោះស្រាយរឿងលុយរបស់ខ្ញុំមិនមែនលុយតុងទីនដូចពួកបងបងទេគឺលុយសុទ្ធជិត១០ ០K(ជិត១០ម៉ឺនដុល្លារ)តែម្ដងសង្ឃឹមអ្វីដែលអ្នកនិយាយជាមួយនឹងខ្ញុំថានឹងដោះស្រាយគ្រប់បញ្ហា មិនថាមានរឿងអី្វកើតឡើងទេខ្ញុំត្រូវមើលកូននឹងប្អូនៗខ្ញុំទៀត។
ហើយនាងនៅបានបន្ថែមទៀតថា អ្នកក៏ដឹងដែរពេលដែរអ្នកត្រូវការលុយខ្ញុំសុខចិត្តយកនាឡិកាពេជ្រទៅបញ្ចាំឲ្យទៀតគួរតែនឹកដល់ពេលនឹងផង ហេង ខ្ញុំដេកមិនដែលលក់ទេតាំងពីអ្នករត់បាត់ដំណឹងសូន្យឈឹង។ អ្នកឃើញគាត់ជួយទំនាក់ទំនងមកខ្ញុំផងណា។
ចំណែកឯលោក វ៉ាឌី ហេឡេន ដែលក្នុងពេលពេលនេះ កំពុងរស់នៅឯប្រទេសអូស្យ្រាលីនោះ ក៏មានចំណែកក្នុងការខាត់បង់ផងដែរ គឺអស់ដល់ទៅ 4000ដុល្លារ ឯណោះ ។
ដោយលោកបានពោលថា មេតុងទីនMrr Heng ម្នាក់នេះបានរត់ចោលស្រុកដែលបានបោកលុយគេអស់សរុបជិត៤០ម៉ឺនដុល្លារក្នុងនោះរួមមានទាំងខ្ញុំផងដែរ។ នឹងមានមនុស្សជាច្រើនទៀតដែលត្រូវរងគ្រោះនឹងធ្ងន់ធ្ងរជាងខ្ញុំទៀត សូមចេញមុខមកដោះស្រាយជាបន្ទាន់ កុំទៅបាត់ស្ងាត់ឈឹងអញ្ចឹងគេនឹកគ្រប់គ្នា bro Heng ៕
