សារពត៍មាន Natty In Myanmar បានរាយការណ៍មកថា តារាបង្ហាញម៉ូតដ៏សង្ហា វ័យ 24ឆ្នាំ របស់ប្រទេសមីយ៉ាន់ម៉ា លោក Paing Takhon បានត្រូវតុលាការយោធារបស់របស់ប្រទេសនេះកាត់ទោសអោយជាប់ឃុំ ចំនួន 3ឆ្នាំ នណៅពន្ធនាគារ Insein ។
តែការកាត់ទោសអោយជាប់ឃុំ រយៈពេល 3ឆ្នាំ នេះ មិនមែនមានតែ Paing Takhon ម្នាក់នោះទេ គឺរួមជាមួយ តារាចំរៀងតារាសំដែង និងបុគ្គលល្បីឈ្មោះនៅក្នុងសង្គមមួយចំនួនទៀតផងដែរ ។ ដោយប្រភពដដែលបានរាយការណ៍មកថា តុលាការយោធាមីយ៉ាន់ម៉ាបានកាត់ទោសតារាស្រី និង Bloger ល្បីៗ របស់ប្រទេស មីយ៉ាន់ម៉ា អោយជាប់ឃុំ 3ឆ្នាំ និងទទួលទណ្ឌកម្មធ្ងន់ធ្ងរ ដូចទៅនិង លោក Paing Takhon ដែរ ។ ក្នុងនោះមានដូចជា Pyay Ti Oo, Eaindra Kyaw Zin, Lu Min, Ye Tike និង Beauty Blogger Win Min Than ជាដើម ។
ដោយបុគ្គលទាំងអស់នេះ គឺត្រូវបានគេចាត់ទុកថា ជាមនុស្សដែលមានឥទ្ធិពលខ្លាំងនៅក្នុងសង្គម នៃប្រទេសមីយ៉ាន់ម៉ា នៅក្នុងពេលមិនទាន់មានរដ្ឋប្រហារយោធាកើតឡើង ។ ហើយពួកគេត្រូវរងការចោទប្រកាន់ចំនួន 505ករណី បន្ទាប់ពីពួកគេ បានចូលរួមក្នុងការតវ៉ាប្រឆាំងរដ្ឋប្រហារ នាពេលកន្លងមក ។
