តារាសំដែង និងជាពិធីករដ៏មានប្រជាប្រិយភាព លោក ជា វណ្ណារិទ្ធ កំពុងតែជួបទុក្ខធំ ដោយបាត់បង់បងប្រុស ជាទីស្រឡាញ់ ដោយគ្មានថ្ងៃត្រឡប់ ។
លោកអ្នកប្រហែលជានៅចាំបាន តារាចំរៀងសំនៀងពិរោះ សាច់សខ្ចី សំដីផ្អែម លោក ជា ដេវីដ ដែលជាអតីតតារាចំរៀងបែបយុវវ័យ និងទទួលើបានការគាំទ្រយ៉ាងខ្លាំង ពីមហាជនទូទៅ ។ តែក្នុងពេលនេះ លោកបានទទួលមរណៈភាពហើយ ដោយជំងឺបៀតបៀន ។ នេះបើតាមការអោយដឹងពីលោក ជា វណ្ណារិទ្ធ ដោយផ្ទាល់ ។
ដោយលោកបានបង្ហោះសារ នៅលើហ្វេសប៊ុគថា
ដោយក្តីអាឡោះអាល័យ អាណិតបំផុត ។ ចុងឆ្នាំ2021 និង ដេីមឆ្នាំ2022 គាត់ហូបលែងបាន ទឹកលែងចូល រហូតស្គមរីងរៃ ពេលនេះបងប្រុសខ្ញុំ ដែលបងប្អូនធ្លាប់ស្គាល់ជាអតីតតារាចម្រៀង ជា ដេវីត បានទទួលមរណៈភាពហេីយ ដោយជម្ងឺ ។ សូមវិញ្ញាណក្ខន័្ធបងទៅកាន់សុគតិភព ជាតិណាៗ សូមកុំអោយអភ័ព្វដូចជាតិនេះទៀត សូមអោយ កម្មពៀរទាំងឡាយរសាយអស់ត្រឹមជាតិនេះចុះ ។
នៅពីក្រោមសារដែលលោក ជាវណ្ណារិទ្ធ បានបង្ហោះនោះ ក៏មានការ Comment ចូលរួមរំលែកទុក្ខដ៏ក្រៀមក្រំនេះ ក្នុងចំនួនដ៏ច្រើន ផងដែរ ។
