រយៈពេលជាង ២ឆ្នាំ ដែលសកលលោករងផលប៉ះពាល់យ៉ាងខ្លាំង ដោយសារតែការរាតត្បាតរបស់មេរោគ COVID-19 ក្នុងនោះកម្ពុជាក៏ដូចគ្នា ហើយអ្វីដែលសំខាន់នោះគឺ គ្រប់កម្មវិធីជួបជុំទាំងអស់ ត្រូវបានហាម ដែលនេះជាហេតុធ្វើអោយអ្នកសិល្បៈបាត់បង់ចំណូលជាច្រើន ហើយអ្នកខ្លះ គឺមិនមានចំណូលទាល់តែសោះ ពីអាជិពរបស់ខ្លួន មិនថាតែ ការច្រៀង ឬការសំដែង ។
តែឥឡូវនេះ គ្រប់យ៉ាងបានត្រឡប់មករកសភាពដើមជាបណ្ដើរៗហើយ ហើយអ្នកសិល្បៈក៏ទទួលបានការងារជាបន្តបន្ទាប់ផងដែរ ។ ដោយសារក្នុងពេលនេះ អ្នកសិល្បៈមានឱកាសក្នុងការរកលុយ ទុកលុយ ខុសពីពេលជាង២ឆ្នាំមុន ដែលមានតែចំណាយ ហើយពេលនេះ មេរោគបំលែងថ្មី អូមីក្រុង កំពុងតែចាប់ផ្ដើមរាតត្បាត ទោះជាវាមានឥទ្ធិពល និងផលប៉ះពាល់ទាបជាង COVID-19 ក្ដី តែគ្រប់គ្នាត្រូវគិតពីការរក្សារលំនិងចំណូលចំណាយរបស់ខ្លួនអោយបានល្អ ។
ក្នុងរឿងនេះផងដែរ កំពូលតារាពហុជំនាញ អ្នកនាង ខាត់ សុឃីម បានបង្ហោះសារខ្លី តែមានន័យគួរអោយគិតពិចារណាថា អ្នកសិល្បៈទាំងឡាយ រកលុយបានខំសន្សំទុកកុំចាយវាយខុសខ្ទង់ បំណងល្អពី អូមេក្រុង ។ តាមរយៈសារនេះ គេសង្ឃឹមថាជាសារដាស់សតិ រំលឹកអោយបងប្អូន១ចំនួន ដែលរងផលប៉ះពាល់ខ្លាំងក្នុងពេលកន្លងមក អោយមានការប្រុងប្រយ័ត្ន ក្នុងការប្រើជីវិតប្រចាំថ្ងៃរបស់ខ្លួន ។
