បើយោងតាមការបង្ហោះសាររបស់តារាសំដែង លោក ស៊ុក សិភា បានអោយដឹងថាក្នុងពេលនេះ លោក និងភរិយារបស់លោក គឺត្រូវគ្នាវិញហើយ មិនមានការបែកបាក់គ្រួសារ កើតឡើង ដូចជាពាក្យ មួយចំនួនដែលគេពោលនោះទេ ។ លោកហាក់ដូចជាមិនសូវសប្បាយចិត្តប៉ុន្មាននោះទេ នៅពេលដែលមានបងប្អូនមួយចំនួន យករឿងគ្រួសាររបស់លោកទៅវិភាគ ដោយគ្មានមូលដ្ឋានច្បាស់លាស់ ។
ហើយពាក់ព័ន្ធនិងសំនួរសួរថា បើមិនបែកគ្នា ហេតុអ្វី លោកមកស្រុកខ្មែរ មិនយកកូនមកតាមផង ? លោកបានតបថា គឺកូនរបស់លោក ពួកគាត់មិនចង់ដោយខ្លួនឯង មិនមានការបង្ខិតបង្ខំពីភរិយាលោក ឬអ្នកណានោះទេ ។ ហើយម្យ៉ោងទៀត កូនៗរបស់លោក គឺពួកគេ កើតនៅទីនោះ ទើបមិនសូចទម្លាប់ និងការរស់នៅកន្លែងផ្សេង តែពួកគេ ក៏ធ្លាប់មកលេងស្រុកខ្មែរផងដែរ ។
តារាសំដែងដ៏សង្ហា និងជាលោកប៉ាគេផងនោះ បានបញ្ជាក់ថា លោកមកស្រុកកំណើតលើកនេះ មិនមែនគេចពីបញ្ហាអ្វីនោះទេ គឺលោកមកបើកមុខជំនួញផ្ទាល់ខ្លួន នៅស្រុកខ្មែរ ពោលគឺបើកភោជនីយដ្ឋានមួយ ដែលមានឈ្មោះថា ដូង ស៊ុក សុភា ដែលមានទីតាំងនៅ ផ្លូវចំការដូង ផ្លូវលេខ217 ក្រោយធានាគារអេសុីលេដា សង្កាត់ដង្កោ ខណ្ឌដង្កោ ភ្នំពេញ ។ ហើយលោកនិងត្រឡប់ទៅប្រទេសអូស្ត្រាលីវិញ ក្រោយពេលមេរោគ អូមីក្រុង នៅទីនោះបានស្ងប់ស្ងាត់ ។
