Angelina Jolie បង្ហាញវត្តមាននៅកម្ពុជា ទោះបីជា កូវីតបម្លែងថ្មី រីករាលដាលយ៉ាងណាក៏ដោយ

Share on facebook
Share on linkedin
Share on telegram

លោកអ្នកប្រាកដជាបានជ្រាបហើយ តារាល្បីលំដាប់ពិភពលោក លោកស្រី Angelina Joli  ពិតជាស្រឡាញ់ ប្រជាជន និងប្រទេសកម្ពុជាយ៉ាងខ្លាំង ក្រៅពីយក ម៉ាដុកស៍ ទៅចិញ្ចឹមបីបាច់ថែរក្សារ តាំងពីអាយុ ៧ខែ រហូតពេលនេះ Maddox មានអាយុ ២០ឆ្នាំហើយ ដោយផ្ដល់ការសិក្សារបានខ្ពង់ខ្ពស់ ហើយនោះ លោកស្រី Angelina Joli  នៅបានជួយដល់ការងារសង្គម និងការងារសប្បុរសជាច្រើន នៅក្នុងប្រទេសកម្ពុជា ដូចជាជួយដល់កុមារកំព្រា និងការងារជាច្រើនទៀតផងដែរ ។

ហើយជាញឹកញាប់ លោកស្រីតែងតែមានវត្តមាននៅលើទឹកដីប្រកបដោយភាពអច្ឆរិយៈមួយនេះ និងបានចូលរួមបង្ហាញអោយពិភពលោក បានស្គាល់អោយកាន់តែច្បាស់ នូវអ្វីដែលជារបស់ប្រទេសកម្ពុជា និងអ្វីដែលកម្ពុជាមាន ។

ជាក់ស្ដែង នៅព្រឹកថ្ងៃទី ២២ ខែកុម្ភៈ ឆ្នាំ២០២២ នេះ មានការ Share តគ្នាជាច្រើននូវរូបភាពជាច្រើនអំពីតារា ហូលីវូដ រូបនេះ កំពុងតែមានវត្តមាន នៅលើទឹកដីនៃប្រាសាទអង្គរ ខេត្តសៀមរាប នៃប្រទេសកម្ពុជា ។ ទោះបីជា គេមិនបានដឹងថា រូបនោះថតនៅថ្ងៃណា តែច្បាស់ណាស់ គឺរូបនោះទើបតែថតក្នុងពេលថ្មីៗ នេះ ហើយគេនៅជឿជាក់ផងដែរថា តារាល្បីឈ្មោះលំដាប់ហូលីវូដ លោកស្រី Angelina Joli  ក៏កំពុងមានវត្តមាននៅក្នុងប​្រទេសកម្ពុជាផងដែរ ។

គួររំលឹកផងដែរថា លោកស្រី Angelina Joli   ត្រូវបានព្រះមហាក្សត្រខ្មែរ ផ្ដល់សញ្ជាតិខ្មែរអោយលោកស្រី នៅឆ្នាំ ២០០៥ ហើយលោកស្រីមានផ្ទះ១ នៅក្នុងស្រុកសំឡូត ខេត្តបាត់ដំបង

Please enter a valid URL

Relate Post