តាមពិតទៅ នេះមិនមែនជារឿងថ្មីនោះទេ ពាក់ព័ន្ធទៅនិងករណី តារាចម្រៀង លោក លាន អាហ្វ្រីលគីនីន ដែលមានងាជាឧកញ៉ា ហើយជំពាក់លុយគេនោះ ។ តែអ្វីដែលថ្មីនោះគឺ បុគ្គលរូបនេះ បានប្រើសែកស្អយ ក្នុងការដោះស្រាយបញ្ហាជាមួយម្ចាស់បំណុល ម្ដងជា២ដង នេះបើយោងតាមការបង្ហោះសាររបស់ បុរសម្នាក់ ដែលមានឈ្មោះថា ប៊ី សិក្ខារិទ្ធ ។
ដោយបុរសរូបនោះ បាននិយាយថា សូមជូនដំណឹងដល់ឈ្មោះ លាន អាហ្រ្វីលគីនីន ចូលខ្លួនមកដោះស្រាយបំណុលដែលជំពាក់ខ្ញុំដោយហេតុថា បុគ្គលខាងលេី បានចេញសែកអត់លុយ ហេីយសន្យាម្ដងជាពីរដង តែមិនដែលចូលខ្លួនមកជួបដេីម្បីដោះស្រាយបំណុលនោះទេ។ បេីលោកនៅតែមិនចូលខ្លួនមកដោះស្រាយទៀតនោះ ខ្ញុំនឹងដាក់ពាក្យបណ្ដឹងទៅផ្នែកព្រហ្មទណ្ឌ ដេីម្បីអនុវត្តតាមនីតិវិធីច្បាប់ជាធរមាន។
ក្រោយពីមានការទម្លាយរឿងនេះរួចមក ក៏មានមនុស្សជាច្រើនបានចូលទៅcomment រិះគន់ លោក អាហ្វ្រីលគីនីន ប៉ុន្ដែត្រូវបាននារីម្នាក់ដែលគេស្គាល់ថា ជាអ្នកលក់ឡេអនឡាញ និងត្រូវជាសង្សាររបស់លោក លាន អាហ្វ្រីលគីនីន បានប្រតិកម្មយ៉ាងចាស់ដៃទៅកាន់អ្នករិះគន់ទាំងនោះភ្លាមៗ ។
តបទៅនិងការលូកដៃរបស់នារីជាសង្សារនោះ មតិមួយចំនួនបែជាយល់ថា មិនក្ដៅជាមួយអ្នកបង្ហោះ ឬដោះស្រាយឲ្យចប់រឿងជាមួយម្ចាស់បំណុល បែរជាមកក្ដៅប្រហាយជាមួយអ្នកក្រៅសាច់រឿងទៅវិញ ។ រហូតមកទល់ពេលនេះ គេមិនឃើញអ្នកទាំង២ គឺលោក លាន អាហ្វ្រីលគីនីន និងនារីជាសង្សារ ចេញមកបកស្រាយអ្វីនោះទេ ។
ពត៍មានជា វីឌីអូ
